«Яланаяклы кыз» сериалында төп рольләрнең берсендә уйнаган Руслан Сафинның улы туган. Бу хакта аның хатыны Аделина социаль челтәрдәге сәхифәсендә хәбәр итә.
Сафиннарның олы балалары да малай.
«ТНВ» каналында күрсәтелгән «Яланаяклы кыз» сериалын күпләр яратып карады. Анда Руслан чибәр егет Самат ролен башкарган иде. Соңрак ул татар эстрадасы җырчылары клипларында да күренде.
Тормышта гаилә башлыгы бизнес белән шөгыльләнә, пыяладан төрле җиһазлар ясый.
