Ябыгу сәбәпле үлем чигенә җиткән 14 яшьлек игезәк кызларның гомерләрен саклап калу өчен табиблар көрәшә
Мода агентлыгында кызларга ябыгырга кушканнар.
Мәскәү табиблары анорексиянең катлаулы формасы белән авыручы ике игезәк кызны үлемнән коткарып калу өчен тырыша. Бу турыда «Вести» каналы хәбәр итә.
14 яшьлек Маша белән Даша модель булырга хыялланган. Модельләр агентлыгында аларга ябыгырга кушалар. Кызларның яңак сөякләре беленеп торырга тиеш дип әйтәләр. Кызлар ябыга башлый.
Ябыга торгач, балаларның авырлыгы 36 һәм 40 килога кала.
Мода күрсәтә торган дефиледан соң Маша белән Дашаны әти кеше хастаханәгә алып китә. Башта кызларны башта туган шәһәрләре Липецкида дәвалап карыйлар. Ләкин бер ай дәвалау нәтиҗә бирми. Шуннан соң кызларны Мәскәүгә алып киләләр. Хәзерге вакытта Маша белән Даша реанимациядә ята, диелгән әлеге хәбәрдә.
