Яңгырлы Сабан туен үткәрү җаен тапканнар: тамашачылар - машинада, артистлар - мәйданда (видео)
Рәфинә Ганиуллина, Рәзил Камалов, Җәвит Шакировлар Теләче районы Иске Җөри авылында сабан туен уздырганнар. Өстән яңгыр явып торса да, бәйрәмне үткәргәннәр.
Җырчылар да, тамашачылар да яңгырдан котылу җаен тапканнар. Тамашачылар сабан туена машиналарда килеп, мәйдан тирәли тезелешеп басканнар. Ә җырчылар зонт астында аларның күңелен күргән! Тамашачылар, сигнал биреп һәм фараларын яктыртып, артистларга зур рәхмәтләрен белдергән. Бер дигән Сабан туе узган Теләчедә!
Алдарак, Интертат.ру, ялгыш мәгълүмат алу сәбәпле, бу хәл Әтнә районында булган дип язган иде. Хатабыз өчен укучыларыбыздан гафу үтенәбез.
