Яңа җырларының клибында Марат Яруллин белән Лэйна үбешкән
Марат белән Лэйна чынлыкта да бик матур пар булып күренәләр.
Марат Яруллин белән Лэйна җыр яздырган. Гөлфия Шакирова шигыренә Гүзәлия көй язган. «Шундый» җырына Марат белән Лейна мини-клип та төшергәннәр. Мәхәббәт, сагыну, ярату, кочаклашу, үбешү… булган әлеге клипта кияүгә чыкмаган Лейна һәм өйләнмәгән Марат бик матур пар булып күренә.
Җырны инстачылар да «шәп» дип бәяләгән. «Шундый, шундый, шундый матур җыр булган бу», — дигәннәр.
«Марат, бу клип белән күп кызларны көнләшергә мәҗбүр иткәнсеңдер», — дип тә язганнар.
Марат Яруллин җырны барлык музыкаль мәйданнарда тыңлап булуын хәбәр иткән.
