Яңа кагыйдәләр: кайда тәмәке тартырга ярамый?
1 гыйнвардан Россиядә яңа законнар үз көченә керде.
Хәзер мәктәп, хастаханә, белем бирү оешмалары, сәүдә нокталары территориясендә тәмәке тартырга ярамый. Бу турыда РЕН ТВ хәбәр итте.
Янгынга каршы яңа кагыйдәләр буенча, шулай ук икмәк кабул итә торган пунктларда, печән чаба торган мәйданнарда, транспорт, җиңел янучан газлар һәм сыеклыклар эшкәртә һәм саклый торган урын тирәләрендә дә тәмәке тарту тыела.
Документта әйтелгәнчә, әлеге оешма җитәкчеләре бу объектларда «Тәмәке тарту һәм ачык ут куллану тыела» дигән тамгалар куярга тиеш. Тәмәке тарту өчен махсус корылган урыннарда «Тәмәке тарту урыны» дигән язу булырга тиеш, диелә хәбәрдә.