Яңа елда һава торышы: безне Төркиядән бүләк көтә
Гидрометүзәк җитәкчесе Роман Вильфанд әйтүенчә, Яңа ел атнасында һава торышы аномаль җылы булачак. Бу хакта ТАСС хәбәр итә.
Температура еллык нормалардан ун градуска җылырак булачак. Россиянең үзәгендә, Урал һәм Көнбатыш Себердә дә җылытачак.
Якутиядә исә температура еллык нормаларга караганда егерме градуска җылырак булачак.Бу үзгәрешләрТөркия һәм Урта диңгездән җылы һава агымнары Россиянең Европа өлешенә, Урта Азиядән - Себер һәм Уралга үтеп керү белән бәйле.
Яңа ел көнне - 31 декабрьдә -6 градус булыр дип көтелә. Җил секундына 4-5 метр тизлектә, шул сәбәпле, һава торышы минус 10-12 градус кебек тоемланачак. Төнлә -5 градус тирәсе. Болытлы, явым-төшем көтелми.
1 гыйнварда аз гына җылыта, кар явуы көтелә.