Яңа ел төнендә бер йортта җиде кеше, шул исәптән нәни балалар янып үлгән

Оренбург өлкәсенең Орск шәһәрендә Яңа ел төнендә бер йортта булган җиде кеше янып үлгән. Бу турыда Россия Тикшерү комитетына сылтама белән«Вести» каналы хәбәр итте. 

Тикшерүчеләр өч кешенең шәхесен ачыклаган инде.

«Йорт хуҗасы, аның хатыны, өч улының мәетләре табылды. Балаларга дүрт, алты яшь һәм иң кечкенәсенә биш ай. Тагын ике кунак — ир-ат һәм хатын-кыз мәете табылды», — дип сөйләгәннәр Тикшерү комитетында.

Фаҗигадән соң җинаять эше ачылган. Башлангыч мәгълүматлар буенча, янгын электр челтәрендә кыска ялганыш аркасында килеп чыккан.

Мәрхүмнәрне җирләүдә Оренбург өлкәсе хакимияте ярдәм итәчәк, диелгән әлеге хәбәрдә.