Яңа ел чыршысы янында уйнап йөрүче биш яшьлек кызны вәхшиләрчә үтергәннәр

4 гыйнварда Кострома шәһәрендә коточкыч җинаять була. 5 яшьлек Вероника урамда чыршы янында уйнап йөри. Шул чакта аны ике ир-ат урлап алып китә һәм вәхшиләрчә үтерә. Бу турыда «Комсомольская правда» хәбәр итте.

Гаилә яхшылар рәтендә, әтиләре хәрби хезмәткәр, әниләре җыештыручы булып эшли. Опека органнары бу гаиләне беркайчан да хисапка куймаган.

Фаҗига булган вакытта әнисе кинотеатрда җыештыра. Әни кеше баласына берничә минутка алданрак чыга торырга рөхсәт итә. Шунда ук баланы җинаятьчеләр эләктереп тә ала.

Җинаятьчеләрне берничә сәгатьтән табалар, ләкин бала инде үлгән була. Сабыйның мәете шәһәр тулай торакларының берсендәге бүлмәдә табыла. «КП» үз чыганагы белешмәсе буенча, баланы вәхшиләрчә көчләгәннәр.

«КП» хәбәрчесе белешмәсе буенча, баланы башта тулай торак бүлмәсендә көчлиләр, аннары күп тапкыр пычак белән кадап үтерәләр. Баланың мәетен спорт сумкасына яшерәләр.

Баланы урлаган ир-атлар моңа кадәр дә хөкем ителгән. Бу белешмәне Кострома прокуратурасында раслаганнар.

Хәзер җинаять эшен тикшерү бара. Ир-атлар тоткарланган.