Яңа Чишмә районында зур авария: өч машина бәрелешкән, һәлак булучылар бар

7 декабрьдә, 17.40 сәгатьтә Яңа Чишмә районының Ленино авылы янында юл-транспорт һәлакәте була. Өч машина - Шевроле- Круз, БМВ һәм ВАЗ-2104 бәрелешә. Бу хакта "Шешминская Новь" газетасы хәбәр итә.

Авариядә БМВ пассажиры - 58 яшьлек хатын-кыз һәм ВАЗ йөртүчесе - 49 яшьлек ир һәлак була. ВАЗдагы пассажир тән җәрәхәтләре ала. Каза күрүчеләр барысы да Әлмәттән. Фаҗиганең сәбәпләрен ачыклыйлар дип хәбәр итә Яңа Чишмә районы ЮХИДИ бүлеге җитәкчесе Евгений Михайлов.