Йөз яшьлек ана 72 ел элек аерылышкан улы белән очрашкан
«Улың кабат синең белән, башка борчылырга кирәкми», - дигән 82 яшьлек бала 100 яшьлек анасына.
Бангладешта яшәүче 82 яшьлек Куддусу Мунси 72 ел элек аерылышкан анасы белән очрашкан. Әни кешегә хәзер 100 яшь. Бу турыда Daily Mail басмасына сылтама белән РЕН ТВ яза.
10 яшендә Мунсины абыйсына яшәргә алып китәләр. Шуннан соң баланы анасы белән аралаштырмыйлар. 72 ел узгач кына Мунси анасын эзләшүне сорап, бер эшмәкәргә мөрәҗәгать итә. Эшмәкәр ир-ат социаль челтәрләрдә хәбәр тарата. Шулай итеп алар Мунсиның туганнарын эзли башлый.
Мунсиның анасы исән булуы ачыклана. Ир-ат анасын күрү өчен 350 км юл уза.
«Әни елады, минем кулларымнан тотты. Мин аңа „улың кабат синең белән, башка борчылырга кирәкми“, дидем», — дип сөйли Мунси.
Әни кеше инде бик карт, ул яхшылап сөйләшә дә алмый, диелә хәбәрдә.