Өй токмачы
«Татар халык ашлары» китабыннан өйдә басылган токмач рецепты тәкъдим итәбез.
Кирәкле ингредиентлар: йомырка — 2 данә, шулпа яки су — 2 аш кашыгы, аз гына тоз, он.
Эш барышы: Савытка йомырка сытып, шулпа яисә су өстибез һәм, тоз, он кушып, каты итеп камыр басабыз. 1–1,5 мм калынлыкта җәябез дә 10–15 минут киптерәбез. Җәймәдән 3–4 см киңлектәге тасмалар ясап, берсе өстенә икенчесен куябыз да нечкә итеп кисәбез.
Токмачны кайнап торган шулпага болгата-болгата салабыз. Токмач өскә күтәрелеп менгәч, кәстрүлне уттан алабыз.
Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.
