Йөртүчесе үлгәннән соң идарәсез калган йөк машинасы трасса буйлап 2 км узган - видео
Йөк машинасы юл кырыендагы тимер коймаларга бәрелә, бер җиңел машинага тиеп китә, аннары каршындагы коймага терәлеп кала.
Идарә ителми торган йөк машинасы Санкт-Петербург шәһәрендәге автомобиль юлыннан 2 км барган. Йөртүче ир-ат кинәт кенә үлгәннән соң, машина юл кырыендагы коймаларга бәрелә-бәрелә хәрәкәтен дәвам иткән. Бу урыннан кадрларны «Вести» каналы күрсәтте.
Фаҗига 21 октябрьдә көндезге унберләр тирәсендә була. Йөк машинасы белән 48 яшьлек ир-ат идарә итә. Ул рульдә барган килеш кинәт кенә вафат була. Йөк машинасы исә хәрәкәтен дәвам иттерә. Ул юл кырыендагы тимер коймаларга бәрелә, бер җиңел машинага да тиеп китә. Аннары каршындагы коймага терәлеп туктап кала.
Урынга килгән табиблар машина йөртүчесенең үлемен раслый, диелә хәбәрдә.
