Йөкле хатынны үтереп, мәетен урманга илтеп ташлаганнар
Хатынны пычак белән кадап үтергәннәр.
Февраль башында Башкортстанда урманда йөкле хатын мәете табылган иде. Тикшерүчеләр хатынның шәхесен ачыклаган. Ул узган ел 9 декабрьдә өеннән чыгып киткән һәм югалган 34 яшьлек Уфа кешесе булып чыккан.
“Башинформ” хәбәр иткәнчә, полиция җинаятьтә шикләнелүче 30 яшьлек ирне тоткарлаган. Ул тикшерү экспериментында болай дип сөйләгән: “Үтергәннән соң, мәетне шәһәр читенә алып чыктым. Такталар, ишекләр ташып, аны каплап куйдым. Табарлар дип уйлап, икенче көнне яңадан килдем. Тик мәет урында юк иде”.
Тикшерүчеләр белдергәнчә, хатынның гәүдәсен сөйрәп йөргәннәр, аннан кан агып барган. Җинаятьче аны чүп-чар белән каплаган, өстенә зур тартма куеп калдырган.
Башкортстан Эчке эшләр министрлыгы коточкыч җинаятьне тикшерүне дәвам итә.