Йөкле хатынны бала тудырырга алып барган машина капланган
Иномарка "ашыгыч ярдәм" машинасына юл бирмәгән.
22 октябрьдә Чита шәһәрендә йөкле хатынны бала тудыру йортына алып бара торган машина авариягә очраган. "Ашыгыч ярдәм"гә "Тойота" автомобиле юл бирмәгән. Бу турыда "Вести" каналы хәбәр итте.
Иномаркага бәрелгән «ашыгыч ярдәм» машинасы капланган. Җиңел машина йөртүче зыян күрмәгән.
«Ашыгыч ярдәм"дә барган йөкле хатынга хастаханәдә операция ясаганнар. Кесарев кисеме ясап алынган ир баланың буе 48 см, авырлыгы 2860 грамм булган.
Табиблар хатын үзен яхшы хис итә дип әйткән.