Йөкле хатын исерек килеш кибеттә җәнҗал чыгарган
Ярсынган хатын кибеттә талашкан һәм исерек килеш машинасына утырып китеп барган.
Псков шәһәрендәге бер кибеттә йөкле хатын җәнҗал чыгара. Ул үзе исерек була. Бу турыда «Вести» каналы хәбәр итте.
Йөкле хатын кассада озак көтеп торган өчен ачуланыша башлый. Аның белән балалары һәм иптәш хатыны да була. Йөкле хатын талашып кына калмый, ул кибет хезмәткәренә суга, аннары машинага утыра да китеп бара.
«Мин монда ике сәгать чиратта торырга тиешме? Йөкле хатынга хезмәте күрсәтә алмыйсызмы? Син эштән китәсең киләме», — дип сүгенә-сүгенә кычкыра ул кассир хатынга.
Ярсыган хатынны дусты да, балалары да, кибет хезмәткәрләре дә тынычландыра алмый. «Мин йөкле», — дип кычкыра ул. Балалар елашкан тавышлар ишетелә. Алар «әни, әни», — дип ялвара. Хатын исә дәгъвалар кенәгәсен таләп итә, яза башлый, кенәгәне администраторга ыргыта, аннары сугыша ук башлый. Сатучының битенә йодрык белән суга. Шуннан соң алкоголь шешәләрен пакетка тутырып алып чыгып китә.
Сәүдә үзәге администраторы йөкле хатынның исерек килеш машина руле артына кереп утыруын һәм китеп баруын күреп шакката.
Өенә кайтып барышлый бу хатынны полиция туктата. Алар руль артындагы хатынның исерек булуын раслый. Исерек килеш машина белән идарә иткән өчен, аның машина йөртү таныклыгын алулары ихтимал. Хулиганлык өчен дәгъва белдермәгәннәр, диелә хәбәрдә.