Йөк машинасы баланы таптаган мизгел видеога эләккән
Юл аша чыгып баручы бала шунда ук һәлак булган.
9 ноябрьдә Мәскәүнең Дубравная урамында авариядә 10 яшьләр тирәсендәге малай машина астында калып һәлак булган. Бу турыда «Вести» каналы хәбәр итте.
Бала юл аша "зебра"дан чыкмакчы булган. Шул чакта борылыштан килеп җиткән машина аны бәрдергән.
Йөк машинасы баланы таптаган мизгелне күзәтү камерасы видеога төшереп алган.
Видео кадрлары буенча светофорның төсе нинди булуын ачыклап булмый, диелгән әлеге хәбәрдә.
Баланы бәрдергән машина һәлакәт урыныннан качып киткән. Соңрак аны полиция хезмәткәрләре тоткарлаган.
