Өй ачкычын югалткан Чаллы кешесе балконнан егылып төшкән

43 яшьлек исерек ир-ат фатирына балконнан кереп маташкан. Тик көче дә, осталыгы да җитмәү сәбәпле, өченче каттан егылып төшкән.

Шаһитлар «ашыгыч ярдәм» чакырткан. Ирнең җитди имгәнүе ачыкланган. Аның берничә кабыргасы сынган, эчке органнары имгәнгән, дип "Челнинские известия" сайты хәбәр итте.

Хәзер аны табиблар дәвалый.