Татар эстрадасында буйдак егетләр саны бер кешегә кимегән – яшь автор-башкаручы Айназ Әүхәдиев өйләнгән.
Җырчы 2 март көнне сөйгәне белән никах укыткан. «Никах көнебез», – дип язып, Айназ социаль челтәрләргә тормыш иптәше белән фотосын урнаштырган.
«Тәбриклим, братка», – дип язган аңа үзе дә һаман буйдак шагыйрь, алып баручы Ренат Галиәскәр.
«Чын күңелдән котлыйм, бәхетле булыгыз», – дигән җырчы Илзәдә Госман.
«Котлыйм, брат. Хәерле, озын гомерләр сезнең гаиләгә», – дип язган Илшат Шәехов. «Тигез, матур гаилә булып, гомер буе бергә яшәргә язсын», – дип җырчы Илшат Вәлиев тә тәбрикләгән яшьләрне.
«Бәхетләрегез чикләнмәсен», «Хыялың тормышка ашты, Айназ. Әлхәмдүлилләх. Аллаһы Тәгалә сезгә сәламәтлек, күп бәхетләр, сәламәт балалар насыйп итсен», – дигән комментарийлар да бар.
Фото: © социаль челтәрләр