Мәскәүнең төньяк-көнчыгышында студент кыз электричка астында калып һәлак булган. Ул этен коткарырга маташкан булган. Бу турыда «Московский комсомолец» хәбәр итте.
23 яшьлек Злата, ире белән бергәләп, кичке 8ләр тирәсендә тимер юл кырыеннан Ростокино станциясенә таба бара. Эт – яшь кокер-спаниель Джек – бер мизгелдә бәеннән ычкынып китә. Джек коймадагы тишектән эчкә керә һәм нәкъ тимер юллар өстенә барып чыга.
Злата эте артыннан чаба, шул чакта аны электричка таптый. Эт тә, хуҗабикәсе дә һәлак була, диелә хәбәрдә.