Ростов өлкәсенең Зверево шәһәрендә Гадәттән тыш хәлләр министрлыгы хезмәткәрләре шәхси йорт биләмәсе территориясендә чыккан янгынны сүндерергә барган. Бу хакта «Вести» каналы хәбәр итә.
Хуҗа хатын үз участогында чүп-чарны яндырганда, ялкын яндагы корылмаларга да күчкән. Җәйге кухня, гараж, мунча һәм хуҗалык корылмасы янып көл булган. Бу хакта коткару ведомствосының Telegram-каналында хәбәр ителә.
200 квадрат метр мәйданны биләгән янгынны Гадәттән тыш хәлләр министрлыгының 5 хезмәткәре 2 берәмлек техника ярдәмендә сүндергән, диелә хәбәрдә.