Хуҗабикә кайнап торган майга су салгач, фатир ишеге тупсадан төшкән, күрше ишеге ватылган

Екатеринбургта күп катлы йортта бер хатынның саксызлыгы гадәттән тыш хәл китереп чыгарган. Аның фатирына зыян килгән, үзен хастаханәгә салганнар. Бу турыда «Вести» каналы хәбәр итте.

Вакыйга 5 декабрьдә кич белән 16 катлы йортта була. Россия Эчке эшләр министрлыгының Свердловск өлкәсе буенча идарәсенең матбугат хезмәте җитәкчесе Валерий Горелых шул хакта әйткән.

Якынча белешмә буенча, хатын-кыз аш бүлмәсендә кайнап торган май салынган чүмечкә салкын су өсти. Шартлау шундый була ки, хәтта фатир ишеге тупсасыннан төшә, күршеләрнең ишегенә зыян килә.

Хатын-кыз тәненең 15 проценты пешкән.

Тикшерү бара, диелә хәбәрдә.