Хөснетдинова юристы белән судлаша: «Ире утырып чыккан, безнең белән берәр хәл булса... »

«Женщина оххонь» кушаматы белән танылган блогер Гүзәл Хөснетдинова соңгы арада җитди проблемалар белән очрашуын хәбәр итте. Искәртеп үтик, әлеге блогер үзенең курсларында укучыларына «кабер казып, шунда иртәнгә кадәр ятарга» дигән биреме белән танылган иде. Аны федераль каналлардан күрсәттеләр. Бүгенге көндә ул 5нче баласын көтә, юл һәлакәтендә һәлак булган сеңлесенең кызын тәрбияли.

15 сентябрь көнне күп балалы ана үзенең юристы белән судлашып йөрүен сөйләде. Аның сүзләренчә, аңа һөҗүм дә булырга мөмкин, шуңа күрә алдан кисәтү белән чыгарга булган.

«Безнең юрист – минем шәхси юристымны кулга алдылар. Обедта суд булды, аңа өй аресты билгеләделәр. Сөйлим, үземә авыр. Бу кеше миннән зур сумма акча урлады. Бик зур сумма. Миңа әлегә бу турыда сөйләргә ярамый, тикшерү бара. Бүген аны өенә җибәрделәр. Аңа браслет киерттеләр. Ул өй арестында. Аңа өеннән чыгарга ярамый.

Мин аның ире иректә булуын, иренең дә утырып чыккан кеше булуын әйтергә туры эфирга чыктым. 10 ел утырып чыккан. Мин үземнең гомерем өчен куркам. Мин үземнең гомерем өчен, безнең кызларыбыз өчен борчылабыз, чөнки анда безгә нинди сүзләр әйтелде. Әгәр дә безнең белән берәр нәрсә булса, белеп торыгыз, безнең хәзер шундый җитди проблемалар», – дип сөйләде ул туры эфирда.