Хирургларга хастаханәдән читтә медицина ярдәме күрсәтергә рөхсәт итәргә җыеналар

2027 елның 1 гыйнварыннан хирургларга хастаханәдән читтә медицина ярдәме күрсәтү мөмкинлеге бирелергә мөмкин. Бу хакта «РИА Новости» Россия Сәламәтлек саклау министрлыгы боерыгы проектына сылтама белән хәбәр итә.

Документ нигезендә, хирурглар ашыгыч медицина ярдәме бригадасы чакырылган урында, шулай ук медицина эвакуациясе вакытында транспортта эшли алачак.

Моннан тыш, хирург табибларны паллиатив медицина ярдәме күрсәтүгә җәлеп итәргә мөмкиннәр.