Хезмәткәрләрен законсыз рәвештә премиядән мәхрүм иткән эш бирүчеләргә штраф яный

Хезмәткәрләрен законсыз рәвештә премиядән мәхрүм иткән эш бирүчеләргә 50 мең сумга кадәр штраф салынырга мөмкин. Бу хакта ТАСС агентлыгына РФ Иҗтимагый палатасының закон проектларына һәм башка норматив актларга иҗтимагый экспертиза комиссиясе әгъзасы Евгений Машаров сөйләгән.

1 сентябрьдән Хезмәт кодексына хезмәткәрләрнең премияләрен ирекле киметүне чикләүче төзәтмәләр үз көченә керә. Яңа нормалар буенча ул хезмәт хакы күләмен 20 проценттан артыкка киметергә тиеш булмаячак.

«Әгәр эш бирүченең хезмәткәрне хокуксыз рәвештә премиядән мәхрүм итүе ачыкланса, аны РФ КоАП 5.27 маддәсенең 6 нчы пункты буенча административ җаваплылыкка җәлеп итәргә мөмкиннәр («Билгеләнгән вакытта хезмәт хакын, башка түләүләрне башкармау яки тулысынча түләмәү»). Вазыйфаи затлар өчен штраф 10 меңнән 20 мең сумга кадәр, юридик белеме булмаган килеш эшмәкәрлек белән шөгыльләнүче затлар өчен 1 меңнән 5 мең сумга кадәр, юридик затлар өчен 30 меңнән 50 мең сумга кадәр тәшкил итә», – диде Машаров.

Үзен премиядән законсыз мәхрүм иткәннәр дип санаган хезмәткәрләр шикаять бирә ала. Шул ук вакытта эш бирүченең үзенә дә мөрәҗәгать итәргә, хезмәт инспекциясенә шикаять бирергә, шулай ук судка дәгъва гаризасын җибәрергә мөмкин.

Ә Хезмәт кодексында хезмәткәрләргә штрафлар каралмаган, анда кисәтү, шелтә һәм эштән азат итү генә язылган, дип искәртте эксперт.

Үз чиратында, премиядән мәхрүм итү шартлары оешманың эчке норматив актында беркетелергә тиеш, дип өстәде ул, диелә хәбәрдә.