Бүген Россия президенты администрациясе җитәкчесенең урынбасары Максим Орешкин ясаган чыгыш социаль челтәрләрдә тарала. Ул хезмәт хакының арта баруы турында сөйләде.
«Президент бу хакта инде берничә тапкыр әйтте, аңлау килергә тиеш – икътисадта арзанлы хезмәт булмаячак. Хезмәт хакы артты инде, ул алга таба да артуын дәвам итәчәк. Һәм бу вазгыятьтә көннән-көн кыйммәтләнә барган ресурсга сакчыл карарга кирәк», – дигән Орешкин «Производительность 360» форумында.
Орешкин әйтүенчә, хәзер илдә идарә итүче кадрлар җитешми.
2024 ел башыннан минималь хезмәт хакы 19200 сум иде – алдагы елга караганда 18,5 процентка күбрәк. Росстат мәгълүматлары буенча, соңгы елда илдә хезмәт хаклары рекордлы рәвештә арткан – 7,8 процентка. Уртача хезмәт хакы – 73 709 сум. Хезмәт хакы Россия тарихында күрелмәгәнчә түбән дәрәҗәдә.
Үзәк Банк җитәкчесе Эльвира Нәбиуллина да, илдә эшче куллар җитми, дип белдерде. Иң зур кытлык – машина төзелеше һәм химия сәнәгатендә.
2025 елның 1 гыйнварыннан минималь хезмәт хакын 22440 сум дәрәҗәсенә җиткерү ниятләнә. Россия президенты МРОТны 2030 елга 35 меңгә җиткерергә кушты.