Казанның «Гаилә» мәчете имам-хатыйбы Рөстәм хәзрәт Хәйруллин ватык чынаяктан эчү турында аңлатты.
«Ни өчен Пәйгамбәребез Мөхәммәд сәлаллаһу галәйһи вәсәллам ватык чынаяктан эчмәскә кушкан?» – дип сораганнар аннан.
«Кешеләр дин – аерым, минем тормышым аерым дип уйлый. Юк, без – мөселманнар, безнең яшәү рәвешебез тулысынча – ислам. Анда Аллаһы Тәгаләгә табыну бар, хәтта савыт-сабада да. Күз алдыгызга китерегез, мең ярым ел элек безнең яраткан Пәйгамбәребез Мөхәммәд сәлаллаһу галәйһи вәсәллам ватык савыттан эчүне тыя. Хәзер дә без СанПин нормаларын ачып карасак, анда акка кара белән язылган: анда микроблар җыела. Ул вакытта микроскоп булмаган, ләкин Пәйгамбәр тыйган», – дип аңлата хәзрәт.
- Рөстәм хәзрәтнең телеграм-каналына сылтама: https://t.me/rustamhazrat