«Хатының белән талашсаң, суыткычтагы банкаларның капкачларын тыгызларга гына кирәк»

Минем танышымның кызы романтик кичләр уздырырга ярата. Болар бер көнне күл буена киткәннәр, кич шәм яндырып күл буенда утырырга уйлаганнар. Бер кеше болар янына килгән дә, карап торган-торган да: «Кемегездер батып үлгән идеме?» – дип сораган.

***

Элегрәк заманда булган хәл. Хәрби частька бер кыз килә һәм бер танкистны табып бирүне сорый. Моңа аңлаталар – монда танкистлар юк. Бу исбатларга тырыша – юк, бер танкист егет белән йөргән, тегесе үзен танкист дигән… Фотосы да бар. Фотога карасалар – биленә кадәр канализация люгына кереп баскан бер егет.

***

Балалар бакчасында тәрбияче булып эшләүче сөйләгәннән:

- Үземә отпуск кирәген туйга баргач белдем. Бөтен кеше бәйрәм итә, ә мин кеше саныйм да, ЗАГСтагы кешеләр саны белән туры килмәгәнгә нервланып утырам икән.

***

Монысы исә азык-төлек кибетендә сатучы булып эшләгән кыз сөйләгәннән:

«Алты көн ялсыз тулы смена эшләдем. Кайттым, яттым, йоклап китәм дигәндә ирем кайтты да, кочаклап алды. «Пакет кирәкме?» – дип сорадым. «Юк, син миңа пакетсыз да ошыйсың», – ди. Ул көлә башлагач кына аңладым.

***

Минем танышым бер кыз белән таныша, кем икәнен читләтеп кенә әйтә – «табиб». Болар урамда йөрергә чыгалар. Һәр өченче, дүртенче хатын-кыз исәнләшә моның белән. Кызы нервлана башлый. Аннары гына ул үзенең кем булып эшләгәнен әйтә – участковый гинеколог.

***

Бер ханым сөйләгәннән:

Миңа 14 яшь булганда песи алдырмакчы идем, әти-әни каршы. Елап сорасам да, алмадылар. Бер очрак ярдәм итте. Безнең класстагы бер кыз балага узды. Әни ата-аналар җыелышыннан күзләрен зур ачып кайтты да, шуны сөйли дә сөйли. Ул хәзер дә гадәти хәл булмас иде, ә 90 елларда әле бөтенләй кыргый очрак иде. Болар әти белән шуны сөйләшәләр, мин яннарына килдем дә, әйтәм:

- Әни, ә мин нәрсә алып кайтсам куанасың – песи баласынмы, кечкенә бер малайнымы?

Икенче көнне үк песи алдылар.

***

«Миңа оча сөякәренең УЗИын ясатырга кирәк иде. Ничек ясала икәнен Интернеттан карадым – трансвагиналь, бер дә рәхәт булмаган процедура диләр. Киңәш тә язганнар – әгәр саф кыз дип әйтсәң, гадәти УЗИ ясыйлар икән. Шуңа мин дә шулай дияргә булдым… Ә мин авырлы икән. Табибның шуны әйткәндә күзләрен күрсәгез!!!»
***

«Бакчадан соң улым белән аптекага кердем. Балага узуга каршы таблеткалар алам. Авырган чагым, арган идем. Ул бөрөзлексез сораулар бирә – «Нинди таблеткалар, нәрсәгә алдың? Нинди авырудан?» Сабырлыгым бетте дә: «Балалардан!» дип җавап бирдем. Ул бер генә секунд миңа карап торды да: «Иске балаларданмы? Яңаларыннанмы?»

***

Авылда 20 канал гына күрсәтә, бик мактагач, күрше спутник антенна куйган. 200 канал булгач, әйбәтме соң дип сорыйм. «Карарга бөтенләй бернәрсә калмады!» – ди.

***

Безнең эштә ике егет бер үк көнне өйләнде. Кадрлар бүлеге, аларны котлап, кәгазь элеп куйган: 

«Айдар белән Илшатны законлы никахлары белән котлыйбыз!»
***