Аш-су блогеры Илүзә Хөснетдиновадан «Ханума» әзерләүнең тиз ысулын тәкъдим итәбез.
Ингредиентлар: ләвәш, каймак, сыр, ветчина, йомырка+сөт, яшеллек.
Озынча юка ләвәшкә каймак сыларга, угычтан уылган сыр салырга, аннары түгәрәкләп киселгән ветчина тезәргә. Ләвәшне рулет итеп төрергә һәм кисәкләргә бүләргә. Аннары шуларны табага тезәргә.
Йомырка белән сөтне бергә болгатырга, тоз, борыч салырга һәм табадагы рулет өстенә салырга.
180 градуска кадәр кызган духовкада 15 минут пешерергә. Аннары өстенә сыр һәм яшеллек сибәргә, кабат 5 минутка духовкага куеп алырга.
Тәмле булсын!
