Юмор остасы Рамил Шәрапов та интернетта популяр норм/стрем уенын уйнарга булган. Ул хатынына сораулар бирә, ә анысы уклау күрсәтеп җавап бирә.
Ир кешенең нервысында уйнау?
Норм.
Ашарга пешерәм дип, фаршны суыткычтан чыгарып кую, аннары кире тыгып кую?
Норм.
Хатынның төнлә гырылдавы?
Мин гырылдамыйм. Әкият сөйләп маташма.
Ир кеше башка хатын-кызлар белән язышса?
Ә син ничек уйлыйсың?
Диндә язылган, мин муллалар белән сөйләшкән идем. Дүрт...
Хәзер телефоныңны бәреп төшерәм, син – мулла түгел, – ди хатыны.
«Уклау үзеңә төшмәгәе монда», – дип, артист өчен борчылучылар да бар.
Күпчелекнең артистның кызыклы видеоларында күренмичә генә катнашучы хатынын күрәсе килә икән.
