«Хәле бик авыр». Башкортстанда мопедта йөргәндә авариягә очраган 15 яшьлек кыз комада ята

Башкортстан буенча Эчке эшләр министрлыгының матбугат хезмәте авариядән соң комада ятучы 15 яшьлек кызның хәле турында белешмә биргән. Бу турыда «Башинформ» яза.

«Баланың хәле стабиль бик катлаулы, динамика юк. Кома. Фаразлар яхшы түгел», – дигәннәр ведомствода.

18 майда кичке бишләр тирәсендә Бөре-Питяков юлыннан бара торган «УАЗ» машинасы алдан бара торган мопедка бәрелә. Мопедны 15 яшьлек кыз идарә итә. Авария вакытында кыз бала бик күп травмалар ала, аны Бөре үзәк район хастаханәсенә реанимациягә салалар.

Кызның мопед белән йөрү өчен рөхсәте юк, мотошлем кимәгән, экипировкасы да юк. Якынча белешмә буенча, аның башы бик җитди имгәнгән.

Тикшерү бара, диелә хәбәрдә.