Телеграмда Татарча хәдисләр дигән канал бар. Биредә хәдисләрнең татарчага тәрҗемәләре бирелгән. Каналны ТР мөселманнарының Диния нәзарәте тәкъдим итә.
Кешегә үзен башка милләттән дип әйтү рөхсәт ителәме?
«Кем дә кем чит кешене үз атасы дип игълан итсә, гәрчә алай түгеллеген белсә дә, шул үзенә бирелгән хәерле насыйптан баш тарта (һәм зур гөнаһ кыла). Ә кем үзен туганлык җепләре белән бәйләнмәгән бер халыкның вәкиле дип атаса, шул Җәһәннәмдә урын алырга әзерләнсен».
Сахих Бохари, 3508, 6045. Сахих Мөслим, 61. Сүнән Ибне Мәҗә, 2319. #гөнаһ
«Шуның өчен татар кешесе үзен татар дип әйтергә тиеш, ә башка милләтне күпме генә яратса да, аңа алардан дип әйтү рөхсәт ителми», – диелә хәбәрдә.
Фото: © телеграм-каналдан скриншот, https://t.me/tathadisler