WhatsApp кулланучыларга ни өчен суд яный?

WhatsApp онлайн-мессенджеры кулланучыларына суд белән яный. Бу турыда мәгълүмат кушымтаның рәсми сайтында чыкты.

WhatsApp кушымтасын куллану кагыйдәләрен бозган кеше суд каршына басарга мөмкин. Шундый кагыйдә бозулар исемлегенә автомат рәвештә һәм күпләп хәбәр тарату керә. Моннан тыш, программаны коммерция максатында куллану тыела. WhatsApp мессенджерын бары тик шәхси ихтыяҗлар өчен генә кулланырга ярый.

Әгәр мессенджерны эш өчен кулланырга кирәк булса, моның өчен махсус WhatsApp бизнес-кушымта бар. Ул түләүле.

Хәзерге вакытта компания хокук бозу очраклары буенча белешмә туплый. Ел азагына кадәр судка шикаятьләр язылачак, дип хәбәр итә "Россия24" каналы.