27-28 сентябрьгә һава торышы һәм ай календаре

27-28 сентябрьгә һава торышы һәм ай календаре.

27 сентябрьдә Татарстанда алмашынучан болытлы, явым-төшемнәрсез һава торышы булачак. Көньяк-көнчыгыштан талгын җил исәчәк. Төнлә һава температурасы +2..+7˚, урыны белән -1˚ салкын. Көндез +17..+22˚ градус булачак.

28 сентябрьдә Татарстанда алмашынучан болытлы, явым-төшемсез һава торышы булачак. Көньяк-көнчыгыштан талгын җил исәчәк. Төнлә һава температурасы +3..+8˚, көндез +17..+22˚ градус.

Үсеш алучы ай, ай балык йолдызлыгында.

Агач һәм куакларның ботакларын кисәргә ярамый.

Кышка сарымсак тырнаклары утыртып куярга була. Язын кояш яндырудан саклау өчен ылыслы агачларның кәүсәләрен капчык тукымасы белән урап куярга була.