27 майга һава торышы һәм ай календаре

27 майга һава торышы һәм ай календаре.

27 майда Татарстанда аязучан болытлы һава торышы булачак. Төнлә һәм иртән яңгыр, кайбер районнарда яшенле яңгыр булырга мөмкин. Көндез урыны белән, бигрәк тә республиканың көнчыгыш районнарында яшенле яңгыр көтелә. Төньяк-көнчыгыштан төньяк-көнбатышка күчүчән салмак җил, көчәйгәндә секундына 16-21 метр тизлек белән исәчәк.

Төнлә һава температурасы +4..+14˚ булачак. Көндез - +20..+25˚ градус, ә Татарстанның көнчыгыш районнарында -+26...+31 градус.

Үсүче Ай. Ай Кысла йолдызлыгында.

Яшелчә бакчасы

Кабак, ташкабак, кыяр орлыкларын бүрттерергә һәм пленка астына утыртырга була. Физалис, помидор, борыч, баклажан үсентеләрен теплицага утырту өчен уңайлы вакыт санала. Соң өлгерә торган кәбестә үсентесен дә утыртырга кирәк.

Чәчәк түтәле

Чәчәк орлыкларын чәчәргә, розаларны күчереп утыртырга кирәк. Күпьеллык чәчәкләрне бүлгәләп утыртырга мөмкин.

Җиләк-җимеш бакчасы

Җиләк-җимеш агачларын һәм куакларын сугару, тукландыру өчен уңай көн. Романтант бакча җиләге үсентесен һәм виноград куакларын утыртырга мөмкин.