27 февральгә һава торышы һәм ай календаре

27 февральдә Татарстанда аязучан болытлы һава торышы булачак. Төнлә урыны белән кар явачак. Иртән һәм көндез кар, юеш кар һәм яңгыр явачак. Кайбер районнарда томан төшәчәк, иртән һәм көндез кыска вакытлы буран булуы ихтимал. Көньяктан, көньяк-көнбатыштан уртача тизлектә җил исәчәк. Төнлә һава температурасы -4..-9˚, иртән -4..+1˚, көндез 0..+4˚ градус. Юлларда көчле бозлавык.

Үсеш алучы ай. Ай балык йолдызлыгында.

Яшелчә бакчасы

Помидор, борыч, баклажан орлыклары чәчәргә була. Туфракны йомшартырга, шытымнарны сирәкләргә була.

Чәчәк түтәле

Туфракны йомшартырга, шытымнарны сирәкләргә була. Рассада өчен берьеллык чәчәк орлыкларын сибәргә була.

Җиләк-җимеш бакчасы

Виноград чыбыкчаларын әзерләргә була. Агачларны ялгарга мөмкин.