25 апрельгә һава торышы һәм ай календаре

25 апрельгә һава торышы һәм ай календаре
25 апрельдә Татарстанда алмашынучан болытлы һава торышы булачак. Урыны белән яңгыр явачак. Төньяк-көнбатыштан уртача тизлектәге җил исәчәк. Төнлә һава температурасы +3..+8˚, көндез +13..+18˚ градус. 



25 апрель.
Кимүче ай. Ай кәҗәмөгез йолдызлыгында.

Яшелчә бакчасы
Җылытыла торган теплицаларда яки пленка белән капланган түтәлләргә иртә өлгерә торган редис чәчәргә була. Петрушка, иртә өлгерә торган кишер чәчәргә мөмкин. Органик ашламалар сибү.

Чәчәк түтәле
Органик ашламалар сибү. Декоратив агач һәм куакларның ботакларын кисү. Туфракны казу, йомшарту, шытымнарны сирәкләү.

Җиләк-җимеш бакчасы
Органик ашламалар сибү. Җимеш агачларның, җиләк куакларының һәм декоратив культураларның ботакларын кисәргә була. Алма, груша, чия, слива үсентеләрен утыртырга була.