24 июльгә һава торышы һәм ай календаре | intertat.tatar

24 июльгә һава торышы һәм ай календаре

24 июльгә һава торышы һәм ай календаре.

24 июльдә Татарстанда аязучан болытлы һава торышы булачак. Урыны белән кыска вакытлы яңгыр, яшен көтелә. Көньяк-көнчыгыштан төньяк-көнбатышка күчүчән җил уртача тизлектә, яшен вакытында 15-20 метр тизлеккә кадәр көчәячәк. Төнлә һава температурасы +9...+14˚, көндез +19..+24˚ градус җылы булачак.

Тулы ай.

Бу көнне бакча эшләреннән ял итәргә мөмкин, чөнки нәрсәдер утыртырга, күчереп утыртырга, ян ботакларын кисәргә киңәш ителми. Шулай ук ай тулган көнне кыяр һәм помидор да тозламау хәерле.

Дару үләннәренең чәчәкләрен, яфракларын һәм үләннәрен җыярга була. Бушап калган туфракны эшкәртергә һәм чистартырга мөмкин. Җиргә органик һәм минераль ашламалар кертергә, известьларга кирәк.