9 майда Татарстанда аязучан-болытлы һава торышы булачак. Төнлә явым-төшемнәрсез, урыны белән томан төшәчәк. Көндез кайбер районнарда яңгыр явачак. Көньяк-көнчыгыштан уртача тизлектә, урыны белән 15 метр тизлектә көчле җил исәчәк. Төнлә 6.. 11˚, көндез 20.. 25˚ градус.
10 майда Татарстанда аязучан-болытлы һава торышы булачак. Урыны белән яңгыр явачак. Төньяк-көнбатыштан, төньяктан уртача тизлектә, урыны белән 15 метр тизлектә көчле җил исәчәк. Төнлә 8.. 13˚, көндез 16.. 21˚, көнчыгыш районнарда 26˚ градус җылы булачак.
Кимүче ай, ай үгезбозау йолдызлыгында.
Бәрәңге утырту, чөгендер, кишер орлыклары чәчү өчен уңышлы вакыт. Суганчалы чәчәкләр утыртырга була. Помидор, кыяр рассадаларын теплицага күчереп утыртырга мөмкин. Бу вакытта утыртылган агач һәм куак үсентеләре яхшы тамырланып китәчәк.
