Дәүләт Думасы рәисе Вячеслав Володин, медицина югары уку йортларын тәмамлаучылар, яшь белгечләр Россия төбәкләренә эшкә китсә, аларны торак белән тәэмин итү нормасын законнарда теркәргә кирәк, дип саный. Бу турыда РИА Новости яза.
«Хөрмәтле коллегалар, без бу карарны кабул итәбез, ләкин сыйфатлы медицина ярдәме күрсәтү һәм медицина ярдәме белән тәэмин итү өлкәсендәге вәкаләтләр Россия Федерациясе субъектларының җаваплылыгы булып тора. Без, әгәр дә иртәгә вузларны тәмамлаучылар хастаханәләрдә эшләргә китсә, регионнар хәзерге яшь белгечләрне, элеккеге студентларны торак белән тәэмин итәргә тиеш, дигәннән чыгып эш итәбез. Бу – төп сорау, моны аңларга кирәк», – диде Дәүләт Думасы рәисе пленар утырышта.
Яшь табибларны һәм урта медицина звеносы хезмәткәрләрен яклау өчен, Володин бу мәсьәләне законнарда чагылдырырга кирәклеген ассызыклады, диелә хәбәрдә.
