ВПРны начар эшләгән дүртенче класс укучысын бишенчегә күчермичә, тагын бер елга калдырырга мөмкиннәрме?
Ата-аналарның соравына мәгариф һәм фәнгә күзәтчелек буенча федераль хезмәт җитәкчесе Сергей Кравцов җавап биргән. Бу хакта "Российская газета" яза.
Укучы дүртенче класста ВПРны тапшыра алмаса, мәктәп аны тагын бер елга дүртенче класста калдыра аламы? Мәктәпләр әти-әниләрне куркытмаска тиеш! - диде Сергей Кравцов. Аның әйтүенчә, Рособрнадзор тарафыннан мәктәпләргә мондый тәкъдим булмаган. ВПР баланың өлгерешен тикшерү өчен инструмент кына диде ул.