Воронежда автобуста шартлау булган мизгел видеога эләккән
ПАЗ автобусы салонында 35 кеше булган, бер кеше үлгән, 18 кеше имгәнгән.
Кичә кич белән Воронеж шәһәрендә «Галерея Чижова» сәүдә үзәге янында фаҗига була. Биредә 35 кеше утырган ПАЗ автобусы шартлый. ТАСС агентлыгы шул чакта хәбәр итте.
Әлеге вакытта бер кеше үлүе билгеле. Ул — 30-35 яшьләрдәге хатын-кыз. Аның шәхесен ачыклыйлар. 18 төрле травмалар алган, аларны хастаханәгә озатканнар.
Фаҗиганең берничә версиясе, шул исәптән газ җиһазлары шартлау яки теракт, карала. Җинаять эше ачылган, дип яза «Татар-информ».
РИА Новости Россия Сәламәтлек саклау министрлыгына сылтама белән хәбәр иткәнчә, имгәнгән кешеләрнең өчесе авыр хәлдә, сигез кешенең хәле уртача авырлыкта. Тагын иде кеше амбулаториядә ярдәм күрсәткәннәр.