Воркута мэры Ярослав Шапошников, махсус хәрби операциядә хезмәт итү өчен, үз вазифасыннан китә. Баштарак ул, ир-атлар хатыннары «игәүләп» торган өчен фронтка китә, дип әйткән иде.
Ул Оборона министрлыгы белән 1 елга контракт төзегән. Бу хакта мэр махсус хәрби операциягә ярдәм митингы вакытында әйтте, дип хәбәр итә Baza «Телеграм» каналы.
«Бу сүздән курыкмыйча әйтә алам – фронтка үзләре теләп китүчеләрнең якынча 10 проценты, ничек кенә йомшак итеп әйтим икән, хатыннары яхшы тормышка күнеккәннән китә. <...> ул хатын «игәүли дә игәүли». Кадерле хатын-кызларыбыз, ирләрегезне саклагыз. Әгәр ирләрегез «тылны тоймаган» өчен фронтка китә икән, ә ир-атлар үзләрен «игәүләп» торганда тылны тоймый, бу аларга фронтка китәргә бер этәргеч бирә», – дигән иде Шапошников ир-атларның фронтка китүе сәбәбен аңлатып.