Волгоградта тамада туй вакытында үлгән
Екатерина Морина конкурс уздырган вакытта кисәк егылган.
Волгоградта яшәүче тамада Екатерина Морина туй алып барган чагында егылып үлгән, дип хәбәр итә v1.ru телеканалы.
Екатерина шәһәрдә билгеле тамада булган. Конкурсларның берсен уздырганда аның кисәк көне йөзе үзгәрә, ул егыла. Янына кешеләр йөгерешеп килә, ул инде аңын югалткан була. Тиз генә табибларны чакыралар, кемнәрдер аны аңга китермәкче була. Әмма хастаханәгә барып җиткәнче ул юлда һәлак була.
«Ул конкурс уздыра иде, кисәк кенә егылды», — дип сөйли туйда булучылар.
Екатеринаның өч баласы ятим калган. Аның ни сәбәпле үлгәне билгеле түгел.
Екатеринаның коллегалары аның балаларына ярдәм җыю оештырган.
«Катяның бер дигән яраткан гаиләсе бар иде. Ире кайгыдан үзенә урын таба алмый. Аңа әле 44 кенә яшь иде. Бик әйбәт иде. Башка сыймый. Нигә яхшы кешеләрне алып китәләр икән?" — дип язган аның дусты.
Морина бик популяр тамада булган. Аны берничә ай алдан чакырып куя торган булганнар.
Екатерина Морина уздырган туйларның кайберләре:
