Бүген ЛДПР партиясе лидеры Владимир Вольф улы Жириновский, озак вакыт коронавирус белән авырып ятканнан соң, 75 яшендә вафат булды. Бу хакта Дәүләт Думасы рәисе Вячеслав Володин хәбәр итә. Депутатлар пленар утырышта ЛДПР фракциясе җитәкчесен бер минут тынлык белән искә алды. “Сәләтле кеше. Ул дөньяның нинди икәнен тирән аңлап, күп нәрсәне алдан күрә белә иде. Ул һәрвакыт вакыйгалар үзәгендә кайнады”, - дип Вячеслав Володин Телеграм-каналда яза.