Владимир Путин Яңа елга теләген әйтте

Россия Президенты Владимир Путин үзенең Яңа ел теләген әйтте. Ул «бөтен кеше дә сәламәт булсын иде» дип тели. Бу турыда РИА Новости хәбәр итте.

Ил башлыгы дүшәмбе көнне кичке якта Кызыл мәйданда бозга шуарга чыкты. Ул Чиләбедә яшәүче Дима исемле малайның хыялын чынга ашырырга дип килгән. Дима Кремль стеналары янында хоккей уйнарга хыялланган булган. 

Хоккей тренировкасыннан соң китеп барганда нәни кыз Путинга сорау бирә. Аның Президентның Яңа ел теләген беләсе килә. Башта Путин «берни дә уйламадым әле», дигән, аннары бик тиз генә җавап таба. «Бөтен кеше дә сәламәт булсын», — дип җавап бирә, диелә бу хәбәрдә.