Россия Президенты Владимир Путин турындагы яңа документаль фильм 4 майда «Россия-1» телеканалында күрсәтеләчәк. Бу хакта РИА «Новости» агентлыгы хәбәр итә.
Элегрәк дәүләт башлыгының матбугат секретаре Дмитрий Песков Путинга һәм аның ил белән җитәкчелек итүенең 25 еллыгына багышланган фильмның тиздән экраннарга чыгачагы хакында хәбәр иткән иде.
«Россия. Кремль. Путин. 25 ел. Премьера» диелә телеканалның якшәмбе, 4 май программасында.
Фильмны 21.00 сәгатьтә карап булачак.
- Владимир Путин Россия Президенты вазифасына беренче тапкыр 2000 елның 26 мартында сайланды. Ул вазифасына 2000 елның 7 маенда кереште.