Россия Президенты Владимир Путин берәр кешегә һәм хәлгә карата фикерен “канны катырырлык” итеп әйтә ала диде Дмитрий Песков “АиФ" басмасына биргән әңгәмәсендә. Бу хакта РИА Новости яза.
“Аргументы и факты” газетасы хәбәрчесе президентның матбугат сәркатибе Дмитрий Песковтан "Путин Мәдәният советы утырышындагы кебек сүгенәме" дип сорады. Халык алдында сүгенү турында сүз чыккач, Путин норматив булмаган лексиканы утырышта ук куллана башларга кирәк дип шаярткан иде.
Матбугат сәркатибе әйтүенчә: "Нормаль мужик кебек, Путин да берәр кешегә яки эшкә карата үзенең тискәре фикерен белдерергә мөмкин”, - диде.