Владимир Путин Раштуаны үзе чукындырылган шәһәрдә каршы алды
Россия Президенты Раштуаны туган шәһәрендә каршы алды.
6 гыйнвардан 7 гыйнварга каршы төндә православ христианнар Раштуа бәйрәм итә башлады. Россия Президенты Владимир Путин Раштуаны Санкт-Петербургта Спасо-Преображенский соборында каршы алды. Бу турыда Вести каналы хәбәр итә.
Владимир Путин үзе әйткәнчә, сабый чагында аны биредә чукындырганнар. Ул үзе 1952 елның 7 октябрендә Ленинград шәһәрендә туган.
Россия Президенты храм башлыгына "Господь Вседержитель" иконасын бүләк итеп биргән.
- Спасо-Преображенский соборы - Төньяк башкалада кеше иң күп йөри торган гыйбадәтханә.