Владимир Путин ничек ял итә?
Буш вакыты бик сирәк булса да, Путин ил халкы кебек үк ял итүен әйтте.
Кичә Россия Президенты Владимир Путин туры элемтә вакытында сорауларга җавап бирде. Ул ялы турында да әйтте.
Президент сүзләренчә, аның буш вакыты күп түгел, тик җай чыкканда ул совет җырларын һәм моңлы җырларны җырлый. Бу турыда РИА Новости хәбәр итте.
«Беренчедән, минем ял өчен вакытын бик үк күп булмый. Икенчедән, бездә ничек әйтәләр: кешеләр ял итсә, бераз утырып торалар да, салып җибәрәләр, ә бокал күтәрсәләр, җырламыйча булмый», — диде ул.
«Мин рус кешесе бит, бу яктан мин безнең халыкның күпчелегеннән аз гына аерылып торамдыр. Ни җырлыйбызмы? Рус, совет җырларын, алар мелодияле, матур һәм эчтәлекле», — ди Путин.