Россия Президенты Владимир Путин 18 гыйнварда мобилизациянең яңа дулкыны яки Украинадагы махсус хәрби операция режимының үзгәрүе турында игълан итәргә җыенмый. Бу хакта Кремльнең рәсми вәкиле Дмитрий Песков «Осторожно Media» Телеграм каналына белдерде.
Гаммәви мәгълүмат чараларында һәм Telegram каналларда Путинның Ленинград блокадасы өзелүгә 80 ел тулу уңаеннан уздырылган чаралар вакытында Украинага тулы канлы сугыш игълан итәргә яки мобилизацияне дәвам итү турында игълан итәргә мөмкинлеге турында ялган мәгълүмат таралган. Дәүләт башлыгының матбугат секретаре Дмитрий Песков әйтүенчә, «болар барысы да – имеш-мимешләр. Аларга ышанмагыз».
«Осторожно Media» Телеграм каналы билгеләп үтүенчә, кайбер Telegram каналлар һәм блогерлар, Россия лидеры 18 гыйнварда Украинага тулы канлы сугыш игълан итәргә, яки махсус хәрби операция статусын контртеррористик операциягә үзгәртергә, яисә мобилизациянең яңа дулкыны турында игълан итәргә мөмкин, дип фаразлаган.